Өзбекстан Республикасы ҳəкимшилик жуўапкерлик ҳақкындағы кодексиниң 1763-статьясында (Автомобиль транспортында жолаўшылар тасыў искерлиги менен лицензиясыз шуғылланыў)

пуқараларға базалық есаплаў муғдарының жигирма есесинен жүз есесине шекем, лаўазымлы шахсларға болса — елиў есесинен бир жүз елиў есеси муғдарда жəрийма салыўға себеп болады деп көрсетилген.

Шымбай районы ҳəкимшилик суды тəрепинен көрилип атырған ҳəкимшилик ислердиң басым көпшилиги, пуқаралар тəрепинен автомобиль транспортында жолаўшылар тасыў искерлиги менен лицензиясыз шуғылланыў менен байланыслы ислер қурамақта.

Атап айтқанда, 2019-жыл даўамында автомобиль транспортында жолаўшылар тасыў искерлиги менен лицензиясыз шуғылланғанған
353 ҳəкимшилик иси көрилип, соннан 207 ҳəкимшилик иси Өзбекстан Республикасы ҲЖҳКниң 271-статьясы 11-бәнтине тийкарланып ҳəкимшилик ис өндиристен қысқартырылды, 146 ҳəкимшилик иси бойынша жəрийма жазасы тайынланды.

Сонлықтан, усындай түрде ҳəкимшилик ҳуқықбузарлықлардың алдын алыў бойынша пуқаралардан автомобиль транспортында жолаўшылар тасыў искерлиги менен лицензия алып нызамлы шуғылланыўын сорап қаламыз.

 

Шымбай районы

ҳəкимшилик судының судья жəрдемшиси       К.Ивадуллаев